غزلان
المساهمات : 4
تاريخ التسجيل : 12/05/2008
 | | موضوع: في حوار حصري على مجلة نيشان بشرى إيحورك تصرح .... الإثنين مايو 12, 2008 7:25 pm | |
|  هذا حوار أجرته مجلة نيشان المغربية مع المبدعة بشرى إيجورك في صفحة تقرقيب الناب مع موسى متروف وذلك في عددها 2-8 ماي 2008 .
أنا محافظة واخا أفلامي كتطرق للطابوهات
- أنت ممثلة ومخرجة وكاتبة سيناريو وكاتبة عمود صحفي واش باغا ديري كلشي ؟
- مازال كندير حوايج ما كتعرفوهومش. ومزيان الواحد يكون عندو بزاف المواهب .مالك جاك الحسد.
- بحالاش هاد الحوايج اللي ماكنعرفوهومش ؟
- غادي نكتب رواية والكتاب المغاربة والقراء هما اللي شجعوني باش ندخل هاد التجربة ،والحوايج الاخرين غادي يبانو فوقتهم ... أنا ماشي زربانة .
- ويلا صدقات ليك هاد الرواية غادي ترجعيها فيلم ياك ؟
- ماشي بالضرورة. موضوع الفيلم كيجي من تجربة الحياة اليومية وماشي كاع الروايات كيصلحو مواضيع للأفلام .
- قبل هد الرواية ، كتجربي نشر الخواطر ديالك فالصحافة ...
- هادو ماشي خواطر خصك تضبط المفاهيم ديالك . هدوك عمود أسبوعي كنطرق فيه لمواضيع كتخصني وكتهم الناس كاملين . وعندي بزاف تاع القراء كنتواصل معاهم واللي كيتجاوبو مع الاسلوب ديالي وأفكاري . وانا ما باغاش نكون صحافية ، ولكن كنشجع الشابات أنهم يتوجهو للكتابة ويعبرو على روسهم ، حيت الرجال محتاكرين الاقلام .
- كديري كلشي تقريبا إلا المسرح؟....
- كنت كندير المسرح حيت أنا خريجة المعهد العالي للفن المسرحي ، ولكن الاتجاه ديالي للسينما خذا ليا بزاف ديال الوقت وحتى الاسفار ديالي كثيرة ...يلا جات فرصة مزيانة غادي نرجع للمسرح .
مثلتي مع السوريين واش باقا كتراهني على التمثيل مع المشارقة ؟
- أنا مكنراهن لا على مشارقة ولا على مغاربة ، أنا كنراهن على الفن الجميل والذوق الراقي وهد الشي معندوش جنسية ولا وطن .
- أخرجت أول فيلم تلفزيوني اللي هو " البرتقالة المرة " آش هد العنوان ؟ كيبان بحال شي قصة ديال الاطفال ؟
- هاد العنوان رومانسي وعندو أبعاد كثيرة ، لأن البرتقالة كيبغيوها الناس حلوة . العنوان كيعبر على قصة الفيلم وما فيها باس يلا كان بحال شي عنوان ديال قصة أطفال حيت هما لي كيبقاو في الذاكرة ديالنا ملي كيكبرو ...
- العمل فالتلفزيون فيه الفلوس ..ياك ؟
- الحمد لله ولكن الفلوس الصحيحة كيربحوها المنتجين ومازال كنستناو هاد القوانين الجديدة باش تضمن للممثلين والتقنيين الحقوق ديالهم .
- ياك ما كتفكري تولي منتجة ؟
- دابا لا يلا وليت منتجة ماشي على الفلوس ولكن باش ندير الافلام ديالي بطريقتي .
- كيفاش تعاملتي مع الممثلين اللي كانو كيشوفوك صديقة أو زميلة ولقاوك كتسيريهم في البرتقالة المرة ؟
- القضية ما كانتش ساهلة ، ولكن تعاملت معاهم كصديقة وممثلة عاد كمخرجة ، بالنسبة ليا المخرج والممثلين كيخصهم يكونوا يكونوا متفاهمين باش يطلع الفيلم مزيان ، وانا بطبعي مسالمة وكنبغي الهدوء ونستمتع بالخدمة اللي كنديرها بلا مشاكل بلا حساسيات .
- إيمتى غادي ديري أول فيلم سينمائي طويل ؟ واش غادي يكون تخييلي ولا تسجيلي ؟
- كنغكر ففلم طويل درامي وبديت كنكتب السيناريو ، ولكن مازال غادي نصور فيلم تلفزيوني وعاد ندير الفيلم السينمائي .
- وضامنة الدعم ديال المركز السينمائي المغربي ؟
- ضامنة الدعم ديال الله ولا قدمت سيناريو مزيان علاش لا .
- درتي مجموعة من الافلام التسجيلية لقناة الجزيرة كيفاش عشتي هذه التجربة ؟
العمل مع الجزيرة الاخبارية أو الوثائقية صعيب ، خصوصا كنعرفو الخط التحريري ديالها كيعتمد على مواضيع الساعة الحساسة ، أنا مخرجة ماشي صحفية وكان خصني ندافع على أعمالي ونمررها بلا ما نخضع لشروط الجزيرة .
- درتي أول فيلم قصير على المثلية الجنسية ، واش ما خفتيش من معالجة هاد الطابو ؟
- الفيلم ماشي على المثلية الجنسية الفيلم على شخصية كروان اللي هو شاب مثلي وعلى حياتو وعلى إختيارتو ، المشكل ماشي هو معالجة أي طابو المشكلة في الطريقة الحمد لله الجمهور المغربي والصحافيين تقبلوا الفيلم وخلق نقاش مهم حيث الموضوع ماكانش سطحي ، كان إنساني ...
- ولكن مع ذلك معروف عليك أنك محافظة فالافكار ديالك . ولا لا ؟
- أنا محافظة وتطرقي لمواضيع كعتبر طابو ما كينفيش إلتزاماتي وأسلوبي المحافظ . http://ijork-bouchra.blogspot.com | |
|
